Wished a lot to speak

" Wished a lot to speak"

Title സ്വന്തം സൃഷ്ടി അല്ലട്ടാ.... മോഷണം ആണ്... 🤪

എന്തായാലും എല്ലാവരും ഒരിക്കൽ എങ്കിലും ഓർത്തിട്ടുണ്ടാവും ഈ വിഷയത്തെ പറ്റി. ഞാൻ ഒരുപാട് തവണ... കാരണം എനിക്ക് സംസാരിക്കാൻ ഭയങ്കര ഇഷ്ടം ആണ്...അത് ഇന്ന വിഷയം ആവണം എന്നൊന്നും ഇല്ല, എനിക്ക് interest ഉള്ള ഏത് വിഷയം ആയാലും മതി... നമുക്ക് എപ്പോഴും എല്ലാ കാര്യങ്ങളും മുഴുവനായി പറഞ്ഞു തീർക്കാൻ പറ്റാറുണ്ടോ??? ചില കാര്യങ്ങൾ പറഞ്ഞു മുഴുവൻ ആക്കാൻ പറ്റാതെ നിർത്തിയിട്ടുണ്ടാവില്ലേ ആരെങ്കിലും.... പിന്നീട് അത് മുഴുവൻ പറയാമായിരുന്നു എന്ന് ചിന്തിച്ചു വിഷമിച്ചിട്ടുണ്ടോ? എന്താ അങ്ങനെ സംഭവിക്കുന്നത്...???

ഇനി, പറയാനുള്ളത് മുഴുവൻ പറയാൻ തയ്യാറാണെങ്കിലും അത് കേൾക്കാൻ ആളില്ലാത്ത അവസ്ഥ അനുഭവിച്ചിട്ടുണ്ടോ?നമ്മുടെ എല്ലാ കാര്യങ്ങളും പറയാനും നമ്മളെ കേൾക്കാനും ഒരാളെങ്കിലും ഉണ്ടാവുക എന്നത് വലിയ കാര്യമാണ്. കാരണം ഇപ്പൊ ആർക്കും സമയം ആണ് ഇല്ലാത്തത്... എന്തിനും ഏതിനും സമയം ഇല്ല... എല്ലാവരും തിരക്കിലാണ്. ആർക്കും ആരെയും കേൾക്കാൻ സമയം ഇല്ല...എന്തെങ്കിലും ഒരു സന്തോഷം വരുമ്പോൾ, അല്ലെങ്കിൽ സങ്കടം വരുമ്പോൾ അതൊന്നു തുറന്നു പറയാൻ ആരെങ്കിലും ഉണ്ടാവുക എന്നത് ഒരു സുഖമല്ലേ...

സന്തോഷം പങ്കുവക്കുമ്പോൾ അത് ഇരട്ടിയാവും. സങ്കടം പങ്കുവക്കുമ്പോൾ അത് പകുതിയായി കുറയും.

അങ്ങിനെ അല്ലേ ഇതിന്റെ ഒരു ഇത്???🤪

Time Machine

 ആർക്കെങ്കിലും സമയത്തെ പിടിച്ചു നിർത്താൻ പറ്റുമോ? കാലത്തിനെ rewind ചെയ്യാൻ പറ്റുമോ? ഒരിക്കൽ എങ്കിലും ഇങ്ങിനെ ചിന്തിക്കാത്ത ആളുകൾ ഉണ്ടാവുമോ... ഈ സമയം അല്ലെങ്കിൽ ഈ ദിവസം തീരാതിരുന്നെങ്കിൽ എന്ന് ചിന്തിക്കുന്നത് അത് നമുക്ക് അത്രയും പ്രിയപ്പെട്ടത് ആവുന്നത് കൊണ്ടാണ്... സൂര്യയുടെ 24 എന്ന ഫിലിമിലെ പോലെ ഒരു time rewinding മെഷീൻ കണ്ടു പിടിക്കണം.

തിരമാലകൾ പിന്നെയും പിന്നെയും ഒരേ തീരത്തിനെ തന്നെ ആണ് തൊടാൻ വരുന്നത്, ഒരു മാറ്റവും ഇല്ലാതെ... ഓരോരുത്തരും ജീവിക്കുന്ന കാലം എത്ര വേഗം ആണ് മാറിക്കൊണ്ടിരിക്കു ന്നത്. തലമുടി നരക്കുന്നു, തൊലി എല്ലാം ചുളിവ് വീണ് hard ആവുന്നു. മനസ്സ് മാത്രം മാറുന്നില്ല. കാലത്തിന്റെ ഈ ഓട്ടം മനസ്സ് അറിയാത്തതു കൊണ്ടാണെന്നു തോന്നുന്നു. സമയം പിന്നോട്ട് തിരിക്കാനുള്ള machine എത്രയും പെട്ടന്ന് ആരെങ്കിലും കണ്ടു പിടിച്ചേ പറ്റൂ...

മരം പെയ്യുമ്പോൾ

Note : ഈ പോസ്റ്റിന്റെ ജീവൻ or ത്രെഡ്  മിസ്സിംഗ്‌ ആണ്. അത് എന്താണെന്നു എനിക്കും അറിയില്ല... ആർക്കെങ്കിലും കിട്ടിയാൽ തിരിച്ചു തരണം എന്നു അഭ്യർത്ഥിക്കുന്നു 🤪🤪🤪

മരം പെയ്യുമ്പോൾ 

ഓരോ മരത്തിലെ ഇലകക്കും ഓരോ ജീവിതം ഉണ്ട്. അത് തളിർത്തു ഇലയായി പഴുത്തു കൊഴിയുന്നു. പഴുത്ത ഇല കൊഴിയുമ്പോൾ പച്ച ഇല ചിരിക്കും എന്നൊരു പഴഞ്ചൊല്ല് കേട്ടിട്ടില്ലേ.... ഇലകൾ കൊഴിയുമ്പോൾ ബാക്കി ഉള്ള ഇലകൾ ചിരിക്കുന്നതായാണോ കരയുന്നതായാണോ നിങ്ങൾക്കു തോന്നിയിട്ടുള്ളത്...മരങ്ങളുടെ ഭാഷ നമുക്കു മനസിലായിരുന്നെങ്കിൽ ഇതിനു ഉത്തരം കിട്ടിയേനെ അല്ലേ....

രണ്ടു സൈഡിലും നിറയെ ഇലകളുള്ള മരങ്ങൾ നിൽക്കുന്ന സ്ഥലത്തു കൂടി നടന്നിട്ടുണ്ടോ? നിറയെ പച്ച ഇലകളും പഴുത്ത ഇലകളും...... ഒരു ചെറിയ കാറ്റ് വീശുമ്പോഴേക്കും പഴുത്ത ഇലകൾ എല്ലാം നമ്മുടെ തലയിലും നടക്കുന്ന വഴിയിലും വീഴാറില്ലേ... നല്ല രസമല്ലേ അങ്ങനെ നടക്കാൻ.... ആ പഴുത്ത ഇലകൾക്ക് നമ്മളോടുള്ള ഇഷ്ടം കൊണ്ട് നമ്മുടെ അടുത്തേക്ക് വരുന്നതാണോ അതോ മരത്തിൽ നിന്നും വേർപെട്ട് പോകാൻ ഇഷ്ടപ്പെടാതെ സങ്കടപ്പെട്ടു കൊണ്ട് താഴേക്കു കൊഴിഞ്ഞു വീഴുന്നതാണോ... ആ..... ആർക്കറിയാം അല്ലേ....

മഴ

 മഴ.....

 കേൾക്കുമ്പോൾ തന്നെ ഒരു കുളിര് ആണല്ലേ... മഴ നനഞ്ഞു നടക്കാൻ ഇഷ്ടമില്ലാത്ത ആരെങ്കിലും ഉണ്ടാകുമോ? പ്രേത്യേകിച്ച് കുട്ടികൾ. കുട്ടികൾ മാത്രമല്ല കുട്ടികളുടെ മനസ്സുള്ള വലിയവർക്കും മഴ നനഞ്ഞു നടക്കാൻ ഇഷ്ടം ആയിരിക്കും...

നല്ല മഴ ഉള്ള ഒരു വൈകുന്നേരം കാറിൽ ചെറിയ ശബ്ദത്തിൽ ഏതെങ്കിലും പാട്ടും വച്ച് window ന്റെ ഗ്ലാസിൽ കൂടി ആകാശത്തേക്ക് നോക്കി ഇരുന്നുകൊണ്ട് യാത്ര ചെയ്യാൻ ഇഷ്ടം അല്ലാത്തവർ ഉണ്ടാകുമോ? ഇല്ല എന്നാണ് എനിക്ക് തോന്നുന്നത്... ഇത് വായിക്കുമ്പോൾ  ആ situation visualize ചെയ്തില്ലേ???

അതു പോലെ നല്ല മഴ പെയ്യുമ്പോൾ ഒരു ഗ്ലാസ്‌ കട്ടൻ ചായയും കുറച്ചു കടല വറുത്തതും കൊറിച്ചു കൊണ്ട് മഴ കണ്ടിരിക്കാൻ ഇഷ്ടം ഇല്ലാത്തവർ ചുരുക്കമായിരിക്കും.നല്ല മഴയത്തു ice cream കഴിച്ചിട്ടുണ്ടോ?മഴ കണ്ടു കൊണ്ടിരുന്നിട്ടു ചൂട് ബിരിയാണി കഴിച്ചിട്ടുണ്ടോ? അതിന്റെ ഒക്കെ രസം ഒന്നു വേറെ തന്നെയാണ്...

 ഇതൊക്കെ എന്റെ ഇഷ്ടങ്ങൾ മാത്രമാണ്. ഒരാളുടെ ഇഷ്ടങ്ങൾ തന്നെ ആയിരിക്കണം മറ്റൊരാളുടെ എന്നില്ലല്ലോ...ഇത് പോലുള്ള കുഞ്ഞു കുഞ്ഞു രസങ്ങൾ ആസ്വദിച്ചില്ലെങ്കിൽ ആരോ പറഞ്ഞ പോലെ അങ്ങ് ചെല്ലുമ്പോൾ ദൈവം ചോദിക്കും "ഇതൊന്നും ആസ്വദിക്കാതെ എന്ത്‌ ഉണങ്ങിയ ജീവിതമായിരുന്നു" എന്ന്...പിന്നേ ദൈവത്തിനു ഇതൊക്കെ അന്വേഷിക്കലാണോ പണി അല്ലേ...???

How old are you?

എത്ര വയസായി? ഈ ചോദ്യം കേൾക്കാൻ ആർക്കും ഇഷ്ടം ഉണ്ടാവില്ല അല്ലേ... അതെന്താ കാരണം? വയസായി എന്ന് പറയാൻ അധികം ആർക്കും അത്ര താല്പര്യം ഉണ്ടാവില്ല.

ശരീരം കൊണ്ടു വയസ്സായാലും മനസ്സ് കൊണ്ട് വയസ്സാവാത്ത കുറേ പേരുണ്ട്. അവർക്കു എന്തെങ്കിലും പ്രേത്യേക energy കിട്ടുന്നുണ്ടോ എന്ന് doubt തോന്നാം... സ്വയം ഉണ്ടാക്കി എടുക്കുന്ന energy ആണ് അത്.

ഒരു പാട്ട് കേൾക്കുമ്പോൾ മനസ്സിൽ എങ്കിലും ഒന്നു മൂളാത്തവർ ഉണ്ടാവുമോ. ചെറുതായെങ്കിലും ആ lines പാടാത്തവർ ഉണ്ടാവുമോ... അങ്ങിനെ ഉണ്ടെങ്കിൽ അവർ മനസ്സ് കൊണ്ടും വയസ്സന്മാർ ആയിരിക്കും...മൂളിപ്പാട്ട് പാടുന്നവരെയും പാട്ടിനൊപ്പം തല ആട്ടുന്നവരെയും ചിലരെങ്കിലും വട്ടാണെന്ന് പറഞ്ഞേക്കാം.. Never mind..... ആ പറയുന്നവർ ആണ് നോർമൽ അല്ലാത്തവർ... ശരിയല്ലേ...മനസ്സിൽ ഇങ്ങനെ ഒക്കെ ചെയ്യാൻ ഇഷ്ടം ഉണ്ടായിട്ടും മറ്റുള്ളവർ എന്ത്‌ വിചാരിക്കും എന്ന് കരുതി എല്ലാം ഉള്ളിൽ ഒതുക്കി ജീവിച്ചിട്ട് എന്ത്‌ കാര്യം...atleast ഒരു പാട്ട് കേൾക്കുമ്പോൾ കൂടെ പാടാനും ഒരു ഡാൻസ് കാണുമ്പോൾ ഒന്നു തല ആട്ടാനും മനസ്സ് കൊണ്ട് ചെറുപ്പം ആയവർക്ക് മാത്രമേ കഴിയൂ...

ആകെ ഉള്ളത് കുറച്ചു നാളത്തെ life. അത് maximum time മസിൽ പിടിക്കാതെ free ആയി cool ആയി അങ്ങ് ജീവിച്ചു തീർക്കുക. Full tension കൊണ്ടു നടന്നിട്ട് ഒരു കാര്യവും ഇല്ല... നമ്മുടെ life നെ നമ്മൾ എങ്കിലും ഇഷ്ടപ്പെടാൻ ശ്രമിക്കുക... എന്നാലേ മറ്റുള്ളവർക്കും ഇഷ്ടമാകൂ....ശരിയല്ലേ???

"ചവറു പെറുക്കി "

Title കണ്ടിട്ട് മുഖം ചുളിക്കണ്ട, ഈ topic കുറച്ചു ദിവസമമായി മനസ്സിൽ കിടക്കുന്നു. അതു കൊണ്ട് ഇപ്പോൾ എഴുതുന്നു. മനസ്സിനെ കുറിച്ച് ഏതോ വിവരമുള്ള ഒരു sir ഒരു class ൽ പറഞ്ഞ കാര്യം ആണ് ഇത്... നമ്മുടെ മനസ്സ് ശരിക്കും ഒരു ചവറു പെറുക്കി ആണ് എന്ന്. ശരിയാണോ? ശരിയല്ലെന്നു തോന്നാം.. പക്ഷേ ഇത് വളരെ ശരിയാണ്...

ഓരോ ദിവസവും നമ്മുടെ ജീവിതത്തിൽ നല്ല കാര്യങ്ങളും ചീത്ത കാര്യങ്ങളും സംഭവിക്കാം. എന്നാൽ നമ്മുടെ മനസ്സ് ചീത്ത കാര്യങ്ങൾ ആണ് മനസ്സിൽ deposite ചെയ്യുക.. ഓരോ ദിവസവും നടക്കുന്ന സംഭവങ്ങളിൽ നിന്നും ചീത്ത കാര്യങ്ങൾ മാത്രം നോക്കി എടുത്തു മനസ്സ് deposite ചെയ്തു കൊണ്ടേ ഇരിക്കും... ചീത്ത വസ്തുക്കൾ deposite ചെയ്തു വച്ചാൽ എന്താണ് ഉണ്ടാവുക??? ആ സ്ഥലം മൊത്തം കുറച്ചു നാൾക്കുള്ളിൽ ചീഞ്ഞു നാറാൻ തുടങ്ങും... ഇത് തന്നെ ആണ് മനസ്സിന്റെ കരുത്തിലും സംഭവിക്കുന്നത്... നല്ല കാര്യങ്ങൾ നമ്മൾ വേഗം മറന്നു പോകും.... എന്നാൽ നമുടെ ജീവിതത്തിൽ ഉണ്ടായ ചീത്ത കാര്യങ്ങൾ നമ്മൾ ഒരിക്കലും മറക്കില്ല..... മനസ്സ് ആണെങ്കിൽ ഓരോ ദിവസവും എന്തെങ്കിലും ചീത്ത കാര്യങ്ങൾ സംഭവിച്ചിട്ടുണ്ടോ എന്ന് അന്വേഷിച്ചു നടക്കും. അതു മാത്രം പെറുക്കി എടുത്തു deposite ചെയ്യാൻ...ഒരു ചവറു പെറുക്കിയെ പോലെ....

അപ്പോൾ എന്ത്‌ ചെയ്യണം???എല്ലാവരും മനസ്സിന്റെ ചവറു പെറുക്കി സ്വഭാവം കണ്ടു പിടിച്ചു ഓടിച്ചു വിടണം... 🤪എന്നിട്ട് നമ്മുടെ life ൽ സംഭവിച്ച നല്ല കാര്യങ്ങൾ ഇടക്കിടക്ക് ഓർക്കണം..... അപ്പോൾ അറിയാതെ നമ്മുടെ ചുണ്ടിൽ ഒരു ചെറു ചിരി വിടരും.... മനസ്സ് ചവറു പെറുക്കി സ്വഭാവം കളഞ്ഞിട്ടു ഈ ചിരിയുടെ കാരണത്തിനെ തേടി പോകും.... മനസ്സ് മുഴുവൻ ഇങ്ങനെ ചിരിയുടെ കാരണങ്ങൾ നിറഞ്ഞിരിക്കുമ്പോൾ ചവറിനു ഇരിക്കാൻ സ്ഥലം ഉണ്ടാവില്ല മനസ്സിൽ.... എങ്ങനെ ഉണ്ട് എന്റെ idea???? 🤪🤪🤪

"Age is just a number "

 "Age is just a number " ശരിയാണോ...??? പണ്ട് degree പഠിക്കുമ്പോൾ ഒരു english chaptor ഉണ്ടായിരുന്നു. അതിന്റെ title ആണ് ഇത്. അന്ന് ഇതിനെ കുറിച്ച് അത്രക്കൊന്നും ചിന്തിച്ചിരുന്നില്ല... But ഇപ്പോൾ ആലോചിക്കുമ്പോൾ ശരിയാണെന്നു തോന്നുന്നു.... Age വെറും ഒരു number മാത്രം ആണെന്ന്...

വയസ് കൂടുന്നത് ഇഷ്ടപ്പെടുന്നത്‌ birth day ടെ  ദിവസം മാത്രം അല്ലേ?മനസ്സിന് പ്രായമാവുന്നത് വരെ എല്ലാവരും ചെറുപ്പമല്ലേ...എല്ലാവരുടെ ഉള്ളിലും കുറുമ്പും കുസൃതിയും ഉള്ള ഒരു കുട്ടി ഉണ്ട്...ചിലർ അതിനെ എപ്പോഴും അടക്കി നിർത്തി സീരിയസ് ആയി അഭിനയിക്കും... ചിലർ ആ കുട്ടിയെ അതു പോലെ തന്നെ പറക്കാൻ വിടും... അങ്ങനെ ഉള്ളവർക്ക് എല്ലാവരോടും ചിരിച്ചു സംസാരിക്കാൻ പറ്റും.ആ ഒരു കുസൃതി കുട്ടിയെ ജീവിതത്തിൽ ഉടനീളം കൂടെ കൂട്ടുന്നവർക്ക് ഒരിക്കലും പ്രായം ആയി എന്ന് തോന്നില്ല....മനസ്സിൽ എന്നും പ്രണയം സൂക്ഷിക്കുന്നവർക്ക് എന്നും ആ ഒരു +ve energy ഉണ്ടായിരിക്കും.

എല്ലാവരോടും ചിരിച്ച മുഖത്തോട് കൂടി, ദേഷ്യപ്പെടാതെ   സംസാരിക്കാൻ കഴിയുക എന്ന് പറയുന്നത് ഒരു പ്രേത്യേക കഴിവ് തന്നെ ആണ്...എല്ലാവരോടും അങ്ങനെ പെരുമാറാൻ പറ്റുന്ന ആരെങ്കിലും ഉണ്ടാവുമോ ഈ ലോകത്ത്??? ആർക്കറിയാം....???

"ഉയിരേ..."

 ഇത് ഒരു film review ഒന്നും അല്ല...പക്ഷേ ഈ അടുത്ത് കണ്ട ഒരു film ലെ ഒരു scene നെ കുറിച്ച് എഴുതാം എന്ന് കരുതി...

ഒരു പ്രണയം ആണ് വിഷയം. പക്ഷേ തുറന്നു പറയാത്ത പ്രണയം ആണ്...28 വർഷം ഒരാളെ സ്നേഹിക്കുക, അതും അയാളോട് പറയാതെ, മാറിനിന്നിട്ട്....28 വർഷത്തിന് ശേഷം പറയാതെ തന്നെ അയാൾ അതു അറിയുമ്പോൾ ഉള്ള ഒരു സന്തോഷം വളരെ വ്യക്തമായി ആ മുഖത്തു നിന്നും വായിച്ചെടുക്കാം... എന്നാൽ ആ സന്തോഷത്തിനു നിമിഷങ്ങളുടെ ആയുസ്സ് മാത്രമേ ഉണ്ടായിരുന്നുള്ളു... ആ scene ഉം അപ്പോൾ ഉള്ള ഒരു പാട്ടും ശരിക്കും haunting ആണ്...

തിരിച്ചറിയാത്ത സ്നേഹം എന്നും മനസ്സിന്റെ വിങ്ങലാണ് എന്ന് എവിടെയോ വായിച്ചതു ശരിയായിരിക്കും അല്ലേ...തിരിച്ചു കിട്ടില്ല എന്ന് അറിഞ്ഞിട്ടും ആത്മാർഥമായി പ്രണയിക്കുന്നവരെ എന്ത്‌ പേരിട്ടു വിളിക്കണം...???തിരിച്ചു കിട്ടില്ല എന്ന് അറിയുമ്പോൾ acid ഒഴിക്കാൻ നടക്കുന്ന സമൂഹത്തിൽ തന്നെ ഇങ്ങനെയും ആളുകൾ ഉണ്ട് എന്ന് അറിയുന്നത് തന്നെ ഒരു സുഖമല്ലേ.....